സ്ഥിതിവിവര കണക്കുകളിലൂടെ
കള്ളക്കണക്കുകള്‍ പ്രചരിപ്പിച്ചും മാധ്യമങ്ങളിലൂടെ
വ്യാപരിവില പ്രസിദ്ധീകരിപ്പിച്ച് വിപണിവിലയില്‍ ഏറ്റക്കുറച്ചിലുണ്ടാക്കിയും
ഗ്രേഡിംഗ് മാനദണ്ഡങ്ങള്‍ പാലിക്കാത്ത കണ്‍മതി സമ്പ്രദായത്തിലൂടെ കര്‍ഷകരെ കബളിപ്പിച്ചും അനാവശ്യ
കയറ്റുമതി ഇറക്കുമതികള്‍ പ്രോത്സാഹിപ്പിച്ചും മണ്ണില്‍ നിന്നും മരങ്ങളില്‍ നിന്നും
അമിത പോഷക ചൂഷണം നടത്തിയും നാളിതുവരെ നടത്തിയ ചതികള്‍ക്കപ്പുറം മറ്റൊരു ചതി
ജനിതകമാറ്റം വരുത്തിയ റബ്ബര്‍. റബ്ബര്‍ ബോര്‍ഡിന്റെ ഗവേഷണകേന്ദ്രത്തിന് ചെയ്യാന്‍ എത്രയോ നല്ല കാര്യങ്ങളുണ്ട്. ഒരു ഗുണനിലവാര നിര്‍ണയം നടത്തുവാന്‍ പുതുപുത്തന്‍ ടെക്നോളജികളുടെ (കമ്പ്യൂട്ടറൈസ്ഡ് ഗ്രേഡിംഗ് സിസ്റ്റം) സഹായത്താല്‍ മുന്തിയ ഗ്രേഡും വിലയും ഉറപ്പാക്കുവാനും മിതമായ ലാഭത്തില്‍ വാങ്ങിയ ഗ്രേഡില്‍ വില്‍ക്കുവാന്‍ കഴിയുന്ന വിപണിയും അതിലൂടെ ഗുണനിലവാരമുള്ള ഉല്പന്നങ്ങള്‍ ഉണ്ടാക്കുവാനും സഹായകമാകും. ലാറ്റെക്സി‌ന്റെയും ഷീറ്റുകളുടെയും സ്ക്രാപ്പിന്റെയും ഗുണനിലവാരം മെച്ചപ്പെടുത്തുന്നതിലൂടെ റബ്ബര്‍ മരങ്ങളുടെ ആയുസ്സ് വര്‍ദ്ധിക്കുകയും, ഉല്പാദന ക്ഷമതയും, കര്‍ഷകരുടെ വരുമാനവും വര്‍ദ്ധിക്കുകമാത്രമല്ല റബ്ബര്‍ മരങ്ങള്‍ക്കുണ്ടാകുന്ന രോഗങ്ങളും കുറയും. സൂഷ്മ അതിസൂഷ്മ മൂലകങ്ങളുടെ ആവശ്യാനുസരണമുള്ള ലഭ്യതയും നിയന്ത്രിതമായ ടാപ്പിംഗും പട്ടമരപ്പിന് പരിഹാരം മാത്രമല്ല മരങ്ങളില്‍വെച്ച് മുന്തിയ ജലസംഭരണശേഷിയുള്ള സൈലത്തിന്റെ സഹായത്താല്‍ വരള്‍ച്ചയെ തരണം ചെയ്ത് ഉത്പാദനവര്‍ദ്ധനയോടെ സുസ്ഥിര കൃഷിയും ഉറപ്പാക്കുകയും ചെയ്യാം. അതോടൊപ്പം ആടുമാട് വളര്‍ത്തലും ജൈവവളലഭ്യതയും അതിലൂടെ റബ്ബര്‍ കൃഷി കൂടുതല്‍ ആദായകരവുമാക്കാം.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ